Deputeti i Lëvizjes Vetëvendosje, Naim Bardiqi, ka reaguar pasi u publikuan disa mesazhe të tij në WhatsApp lidhur me procesin e votimit për president, duke sqaruar se bëhej fjalë për komunikim me tone sarkastike.
Sipas tij, biseda e publikuar ishte private dhe e zhvilluar mes miqsh, ndërsa përdorimi i shprehjes “po votojmë karate” nuk kishte qëllim serioz politik.
“Ky është një komunikim me sarkazmë, ndërmjet miqsh. Konsideroj se është cenim i privatësisë në vendin e punës për deputetin. Nuk konsideroj se këto janë për publikun. Kërkoj falje nëse ka pasur ndonjë reagim apo shqetësim te qytetarët”, tha Bardiqi kur u pyet nëse “do ta zgjedhin sërish karate presidentin”.
Ai sqaroi më tej se fjala “karate” ishte përdorur në thonjëza, duke nënkuptuar një shprehje figurative në komunikim.
Në fund, Bardiqi kërkoi falje publike në rast se mesazhet e tij kanë shkaktuar shqetësim apo kanë prekur ndjenjat e qytetarëve.
