Mesfushori Enis Bardhi do ta bartë fanellën e Konyasporit, ekip që bën gara në Superligën e Turqisë.
Edhe pse ishte pranë marrëveshjes me Rizesporin, Bardhi ka zgjedhur Konyasporin, pasi të premten do ti nënshtrohet kontrollimeve mjekësore dhe do të prezantohet.
Ai me Konyasporin do të firmos kontratë dyvjeçare dhe pas prezantimit do ti bashkohet pjesës tjetër të ekipit në fazën përgatitore në Erzurum.
Bardhi te Konyaspori do të transferohet si futbollist i lirë pasi javë më parë ka shkëputur kontratën me Bodrumsporin, ekip që nuk mbijetoi në elitën e futbollit turk.
30-vjeçari po shihet si përforcim i rëndësishëm për mesfushën te Konyaspori, duke pasur parasysh se Bardhi karrierë në Turqi ka bërë edhe te skuadra e Trabzonsporit.
