Mesfushori Enis Bardhi është i gatshëm për të debutuar te Bodrumspori dhe për të dhënë gjithçka nga vetja për ta ndihmuar ekipin e ri në arritjen e objektivave.
Bardhi para një jave u transferua te Bodrumspori si lojtar i lirë, pasi shkëputi kontratën e Trabzonsporin dhe me ekipin e ri firmosi kontratë deri në fund të sezonit.
Ai tashmë ka mbajtur disa seanca stërvitore te Bodrumspori, ekip ky pritet të jetë titullar në ndeshjen ndaj Konysaporit në kuadër të kampionatit turk.
Dueli Konyaspor – Bodrumspor, luhet të premten prej orës 18:00 dhe i takon xhiros së 22-t të Superligës së Turqisë.
Bodrumspori po lufton për të shmangur rënien në kategorinë e dytë, pasi aktualisht ka vetëm 16 pikë dhe është në pozitën që e largon nga Superliga në fund të sezonit.
Bardhi në stinorin vjeshtor ka regjistruar 9 paraqitje në Superligë dhe ka bërë një asistim me fanellën e Trabzonsporit.
