Objektivi kryesor që Barcelona ka në merkaton e ardhshme të verës është të nënshkruajë me një sulmues, me klubin që po bën mjaft përpjekje në për të siguruar fondet e nevojshme për një lëvizje të tillë.
Megjithatë, inflacioni ka ndikuar në treg, dhe çmimet e futbollistëve cilësorë janë rritur në qiell gjatë muajve të fundit.
Ndërkohë, Barcelona ende duhet të largojë lojtarë si Philippe Coutinho, Miralem Pjanic, Samuel Umtiti, Antoine Griezmann dhe Francisco Trincao në mënyrë që të krijojë hapësirën e pagave për transferimet që mund të vijnë.
Robert Lewandowski është një nga objektivat e mundshme pas eliminimit të Bayern Munich nga Villarreal në çerekfinale të Ligës së Kampionëve.
Katalanasit nuk dyshojnë në cilësinë e tij, por çmimi i tij është i lartë dhe ende nuk dihet nëse Barcelona është e gatshme të shkojë për një opsion afatshkurtër si Lewandowski ose të lëvizë për një sulmues të ri, premtues.
Sulmuesit polak i ka mbetur edhe një vit kontratë me Bayernin dhe çmimi i tij vlerësohet të jetë rreth 60 milionë euro, një shifër shumë e lartë duke pasur parasysh që sulmuesi në gushtin e ardhshëm mbush 34 vjeç.
Përveç Lewandowskit më herët ishte lakuar edhe emri i Haaland për t’i prirë sulmit të Barcës, mirëpo kontrata marramendëse që kërkon agjenti i tij Mino Raiola, ka bërë që klubi të heqë dorë momentalisht nga ai.
Barca aktualisht gjendet në pozitën e dytë me 12 pikë pas liderit Real Madrid.
