Sulmuesi i Kombëtares së Kosovës, Vedat Muriqi është ende në listën e përforcimeve te skuadra e Barcelonës.
Vështirësitë financiare dhe nevoja për të blerë një sulmues për të zëvendësuar Robert Leëandoëskin, kanë bërë që te Barcelona të mos heqin dorë nga Muriqi.
Në të vërtetë, te Barcelona po shpresojnë që Mallorca të bie nga La Liga pasi në këtë mënyrë do të jetë i detyruar ti shesë disa prej lojtarëve kryesor, në mesin e tyre edhe Muriqin me çmim të lirë.
Mallorca këtë vikend do ta mësojë fatin e saj në La Liga, ndonëse misioni për të mos rënë në kategorinë e dytë, do të jetë tejet i vështirë.
Në rast se Mallorca largohet nga elita, atëherë Barcelona mund të sigurojë shërbimet e Muriqit për të paktën 10 milionë euro, ndonëse “Pirati” po kërkohet edhe nga klubet në Turqi.
Trajneri Hansi Flick po e sheh Muriqin si të dobishëm te Barcelona, duke pasur parasysh se sulmuesi kosovar ka shkëlqyer këtë sezon në kampionatin spanjoll.
Muriqi ka shënuar 22 gola në 36 ndeshje në La Liga dhe është golashënuesi i dytë në kampionat pas Kylian Mbappes që ka dy gola më shumë, ndërsa me Mallorcan ka kontratë deri në vitin 2029.
