Barcelona nuk e ka shfrytëzuar gabimin e Real Madridit për t’i ikur në krye të tabelës në La Liga. Barça barazoi 1:1 me Real Betisin në shtëpi të shtunën mbrëma.
Kjo ndeshje i takoi javës së 30-të. Reali u mposht nga Valencia me rezultatin 2:1 më herët të shtunën.
Gavi e kaloi në epërsi Barçën në minutën e shtatë.
Mysafirët shifrat i barazuan në minutën e 17-të. Natan realizoi për 1:1.
Barcelona mbetet lidere me 67 pikë. Reali është një pozitë më poshtë me katër pikë më pak.
Betisi e zë vendin e pestë me 48 pikë.
