Barcelona dhe Atletico Madridi kanë barazuar në ndeshjen e parë gjysmëfinale të Kupës së Spanjës, të luajtur të martën mbrëma.
Dueli i parë ishte dramatik dhe me shumë gola pasi përfundoi me shifrat 4:4.
Atletico Madridi avancoi herët me golat e shënuar nga Julian Alvarez (1’) e Antoine Griezmann (6’), përpara se Barcelona të kundërpërgjigjet me tre gola në pjesën e parë dhe një tjetër në të dytën për rezultatin final.
Mesfushori Pedri (19’) ngushtoi rezultatin në 2:1, Pau Cubarsi (21’) barazoi në 2:2 kurse Inigo Martinez (41’) e dërgoi Barcelonën në pushim midis dy pjesëve me shifrat 3:2.
Në pjesën e dytë, sulmuesi polak, Robert Lewandowski shënoi gol në minutën e 74-të pas asistimit të Lamine Yamalit për 4:2.
Atletico nuk u dorëzua por deri në fund të ndeshjes ku arriti të barazoi rezultatin në udhëtim.
Marcos Llorente (84′) realizoi për 4:3 kurse golin e katërt për Atleticon e shënoi Alexandr Sorloth në minutën e tretë të kohës shtesë për rezultatin përfundimtar 4:4, në duelin e parë gjysmëfinal të Kupës së Spanjës.
Dueli i kthimit mes këtyre dy skuadrave, ku edhe do të konfirmohet finalisti, do të zhvillohet në fillim të muajit prill në stadiumin “Wanda Metropolitano” në Madrid.
