Të paktën dy herë në ditë u ngjitet këtyre shkallëve. Jo gjithmonë me ndihmën e të tjerëve, Ramadan Shkreta përmes këtij mbikalimi vjen në qytet.
Për shkak të vështirësive me ecjen, për Shkretën ky mbikalim paraqet problem.
Mbikalimi i binarëve të trenit paraqet problem edhe për pjesën tjetër të banorëve.
Rindërtimi i hekurudhës Hani i Elezit Prishtinë, veçse ka filluar.
Por, krahas këtij ndërtimi, banorët po kërkojnë që të ndërtohet edhe një nënkalim, të cilën do të mund ta shfrytëzonin të gjithë kategoritë e shoqërisë.
Këtë kërkesë e paraqiten përmes një proteste, e cila nëse nuk merret parasysh u paralajmërua se do të përsëritet.
Megjithëse nuk është nën kompetencën e komunës, ajo i mbështet banorët.
E përkundër insistimit për këtë çështje, Ministria e Infrastrukturës nuk ktheu përgjigje.
Raporti i gazetares Florijeta Dernjani.
