Qytetarët u shprehën të shqetësuar ku sipas tyre komuna ka lënë anash rrugët e papërfunduara.
“Verës bëhet pluhur, janë bërë gropa dhe është shumë vështire më kalu pleq dhe fëmijë sepse është rrezik, të përlloç dhe nuk interesohet askush”, shprehet Hylmi Hyseni banor në lagjen Ulpiana.
E gjendja e rrugëve po ndikon edhe tek bizneset
“ Është problem shumë sepse ne kemi biznesin këtu dhe është telashe e madhe dhe për klientët, për banorët dhe në përgjithësi është telashe e madhe’’, shprehet Labinot Morina.
E drejtori i planifikimit urban në Fushë Kosovë, Abdullah Prebreza tregon arsyen e rrugëve të papërfunduara.
“Rruga ‘Hamdi Grajqevci’ është të kompleksi ‘Eliza 1’ këtë vit tenderohet pra është në procedura të tenderimit për arsye se kanë përfundua të gjitha infrastrukturat dhe janë ndërtua objektet, ndërsa rruga ’’Arbëria’’ këtë vit nuk është e planifikuar sepse ka ende ndërtime dhe nuk ka mundësi me u asfaltuar”, thotë Prebreza.
E sikurse këto dy rrugë të dëmtuara janë shumë në komunën e Fushë Kosovës, e gjitha kjo si pasojë e ndërtimeve të mëtutjeshme.
Kronika e realizuar nga Lendrina Kodrolli
