Qarkullimin në fshatin Trudë e kishte më të rrallë.
Ky autobus që bartë udhëtarët nga Prishtina për në Trudë dhe anasjelltas këtë të premte u pa më pak në këtë fshat.
Kësisoj, banorët thonë se rrugët më ngrica e vështirë të kalueshme sollën probleme edhe në qarkullim.
“Sot më rrallë. Sigurisht prej borës edhe nuk ka mundur të dal ndoshta nga akulli u kthy tre a katër herë është shku lartë”, tha banori Avdyl Shala.
Shala, i cili është edhe në moshë të shtyrë thotë se një situatë e tillë po i shqetëson ata.
“E pa pastruar është pa kripë e pa e larguar borën. Po mundemi me ecë, por me dal në rrugë po rrëshqasim se akull krejt po çka me bo. Ata duhet me ardh na e kanë lënë krejt xham e akull”, tha ai.
Kurse, me një problematikë të tillë të rrugëve të pa pastruara, një banorë tjetër thotë se janë përballur edhe në të kaluarën.
“Asnjëherë prej që ka rënë borë nuk janë ardh me pastruar rrugën akull është. Me të vërtetë është vështirë se është rrezik për vetura me kaluar, është rrezik për transport të nxënëseve prej të hënës nëse nuk pastrohet rruga që është bërë akull krejt e shumë problem ka këtu”, tha banori tjetër Hazir Shala.
Për gjendjen e rrugëve në Prishtinë, kanë reaguar edhe opozita në kryeqytet.
“Këto ditë kam pranuar shumë ankesa për shumë rrugë në lagjet e ndryshme të Prishtinës, ku për shkak të reshjeve të borës kanë mbetur të pa pastruara. E kjo po e vështirëson ecjen për këmbësorët, po ashtu edhe për automjetet. Andaj, Komuna e Prishtinës, urgjentisht duhet t’i pastroj rrugët e po ashtu ta bëjë ‘kriposjen’ e tyre”, deklaroi asamblisti i VV-së, Besart Krasniqi.
Ndërsa, nga Komuna e Prishtinës thonë se janë të informuar për gjendjen dhe se ekipet janë në teren.
“Po është bërë pastrimi i rrugëve, kemi pranuar ankesa edhe ne nga banorët. Ekipet janë në terren dhe po merren më pastrimin dhe lirimin e rrugëve dhe trotuareve”, tha Luftar Braha nga Drejtoria e Shërbimeve Publike.
Kurse nga drejtoria për mobilitetit në Prishtinë, thonë se të gjithë autobusët kanë qarkulluar këtë të premte si zakonisht dhe asnjë nuk është ndaluar si shkak i rrugëve jo mirë të pastruara.
