Për më shumë se dy dekada Bajram Tërbunja me këta bidonë e bartë ujin nga qyteti për në shtëpi.
Rruga që bën çdo ditë për tu furnizuar me ujë nga fshati Studime e Epërme për në Vushtrri është shëndrruar në një shqetësim për kryefamiljarin.
“Vështirë është boll. Por po duhet më ja dal pasi që uji është sen elementar, po duhet më i bartë prej shehrit, që ku i kam bidonat”, thotë Tërbunja.
E ky problem e ka lodhur Tërbunjën.
Për këtë arsye ai ka vendosur ta braktisë fshatin.
“Vallah unë sipas të gjitha gjasave du mu hek prej këtuhit e kam ble një banese du mu shku poshtë vetëm shkaku i ujit, se nuk isha largu. Kurrë nuk kisha shpenzu, por vetëm shkaku i ujit”, shtoi ai.
Këtë rrugë e bën çdo ditë edhe Bajram Gërguri.
Më shishe të shumta ai vjen tek kjo çezme për të siguruar ujë të pijshëm për 10 anëtaret e familjes së tij.
“Boll vallahin e vështirë më bajtë uji, një ditë po një ditë jo duhet më dal këtu po sheh çfarë shtrenjtimesh, nafta po më kushton si me ble”, thotë Gërguri.
Premtimet për një zgjidhje banorët e këtij fshati i kanë marrë nga të gjitha partitë politike.
Madje në këtë fshat që 10 vite janë dërguar edhe gypat për uji.
“Kryetari i tanishëm na ka premtuar se në gjashtë mujorin e parë si ti fiton zgjedhjet ka me na bo një zgjidhje, një pompë e kanë vendos atje në fillim, orën e kanë ngjitë …Fjalë kena që kan me ja fillu më testu pasi që gypat janë që 10 vjet a më teper, por masi s’osht ardh uji s’ka kurgjo”, thotë kryetari i fshatit Studime e Epërme, Bejtullah Gërguri.
Fshati Studime ka mbi 400 banorë, të cilët sipas kryetari të fshatit, Bajram Gërgurit edhe kanë filluar t’i lënë shtëpitë e tyre për shkak të këtij problemi.
Kronika e realizuar nga gazetarja Doresa Geci.
