Banorët e fshatit Bibaj në Ferizaj thonë se janë në hall me ujërat e zeza.
Lutfi Hyseni thotë se ndër vite në mungesë të kanalizimit, ujërat e zeza nga Fshati i Vjetër derdhen në pronën e tij.
Kështu, tregon se kjo u ka shfaqur telashe pasi që nuk po mundet as ta punojë tokën e tij.
“Qe dy vjet a tri jam me to probleme kam, m’kanë thanë jo do ta çelim kanalizimin e ri jo do ta bëjmë ata prit prit nuk ka kurrgjë shkun dy vera, shkoj edhe kjo gjysa kush nuk u lajmëru për me ardhë… Vjen era, vijnë mickojat kejt sene kejt shpijat i kemi shumë afër këtu është vështirë edhe me nejt plus asaj mu m’kanë mbetë edhe 20-30 ari pa punu qy edhe vetë pë shihini që 2 a 3 vjet se sguxoj me hi kha me traktor se jes ma veç mem nxerr me helikopterë se ska mundësi mem nxjerrë kush”, tha Lutfi Haziri, banor.
Edhe Bujar Beqiri që e ka shtëpinë shumë afër këtyre ujërave thotë se janë në hall nga kundërmimi.
“Këtu dy vite e më shumë nuk mundesh me bo sen, dmth ujërat e zeza dalin prej naltit aty në tokë temen, të kojshisë edhe vazhdojnë te poshtë dmth të njejtin problem e ka edhe kojshia më shumë se dy vjet, tri gati nuk kemi mujtë me bo sen. Tash edhe vera me ngritjen e temperaturave kundërmimi është jashtëzakonisht i madh dmth nuk ki shancë me nejt verës në oborr ose dikund me nejt nuk ka shancë edhe gjatë ditës dmth era nihet kundërmimi amo sidomos në mbrëmje dyfishohet kundërmimi”, tha ai.
Por nga Drejtori i Infrastrukturës tregon se deri të hënën nuk kanë marrë ndonjë ankesë të kësaj natyre.
Megjithatë, ai premton se shumë shpejt do të intervenohet në atë pjesë dhe do të bëhet zgjidhje për këta qytetarë.
“Tashmë vetëm i kemi nisë procedurat dhe besoj që shumë shpejt do të bëhet një zgjidhje në këtë kanalizim pasi që dihet që sidomos verës kanalizimet janë edhe lehtë të intervenohet kudo që ka prishje pasi që nuk ka kur kemi kanalizime nëpër ara është shumë më lehtë të intervenohet verës pasi që toka është e thatë dhe e tertë dhe mundet me hy me makineri më të rëndë dhe besoj që shumë shpejtë do të bëhet zgjidhja në këtë segment”, tha drejtori i infrastrukturës, Meriton Hajdini.
Në këtë zonë janë 10 familje të cilat po përballen me ujërat e zeza por edhe me kundërmimin në këtë pjesë.
