Për sulmin në Banjskë, Kosova kërkoi disa herë nga ndërkombëtarët që ta sanksionojnë Serbinë.
Deklaratat e liderëve shtetëror kosovar për ndëshkime ndaj shtetit serb u bënë nga distanca pasi qe 9 muaj nuk pati ballafaqime në tavolinën e bisedimeve në Bruksel.
Por ani pse të mërkurën ka nisur rundi i ri në dialogun Kosovë-Serbi nuk pritet të ketë një diskutim të tillë për Banjskën në kryeqendrën evropiane.
Profesori i kriminalistikës, Fatmir Çollaku, nuk sheh gatishmëri të Beogradit zyrtar për të folur për sulmin e 24 shtatorit të vitit 2023.
“Rasti i Banjskës është shumë sensitiv për Serbinë, sepse Serbia e dinë që është fajtore kryekëput në këtë rast, dhe në raste të tjera të ngjashme, prandaj edhe do t’i shmanget Vuçiqi temës, ngjarjes së Banjskës. Për mua është me rëndësi që Bashkimi Evropian të kuptoi, që rasti i Banjskës është dërguar si raport nga Kosova atje, dhe të mos i lihet përgjegjësia kosovarëve, Qeverisë së Kosovës, dhe duhet të bëhet një trysni më e madhe, trusni e paparë deri më tani duhet të ndodh, që të jetë i efektshëm dialogu”, ka thwnw Çollaku
Skeptik se do flitet për këtë çështje në kryeqendrën evropiane është edhe njohësi i sigurisë, Nuredin Ibishi.
“ Tash koncidon 1 vit pas kidnapimit të tre zyrtarëve policorë, edhe ajo cfarë ndodhi mbajtja e tyre, provokimet e vazhdueshme që nuk po zbusin tensionet por jo në atë nivel çfare ishte para nëntë muajsh. Por, realiteti është akoma ka koncentrim të forcave të armatosura të Serbisë aty, ka akoma provokime, pra nga Vulin. Nëse flasim nga kryeministri aktual Vuçeviq, i cili po mundohet të dërgon mesazhe kinse për një mundësi të një marrëveshjeje kompromisi, ndërsa Vulin dërgon mesazhe kërcënuese në të njëjtën kohë një ideatorë i botës serbe”, thotë Ibishi.
Qeveria e Kosovës për Tëvë1 ka konfirmuar që në rend ditë në takimin e nivelit të lartë në Bruksel nuk do jetë sulmi i 24 shtatorit i vitit 2023 në Banjskë të Zveçanit.
Ndërkohë përgjegjësinë për këtë sulm e ka marrë Millan Radojiçiq, i cili bashkë me grupin e tij paraushtarak serb, vazhdojnë të jenë të lirë.