Kjo u bë pas takimit që pati zëvendësministri i Punëve të Jashtme dhe Diasporës, Kreshnik Ahmeti me sekretarin e lartë për Punë të Jashtme në Bangladesh, Masud Bin Momen, shkruan teve1.info
Në njoftimin për media të MPJD-së bëhet e ditur se Ahmeti e falënderoi Bangladeshin për mbështetjen e vazhdueshme ndaj Kosovës.
“Gjatë takimit u diskutua për Marrëveshjen për Bashkëpunim Kulturor, Marrëveshjen për Bashkëpunim Ekonomik, Marrëveshjen për Promovimin e Investimeve dhe Marrëveshjen për Shmangien e Tatimit të Dyfishtë dhe Parandalimit të Evazionit Fiskal. Ndërsa, pas takimit z. Ahmeti dhe z. Momen nënshkruan Marrëveshjen e Heqjes Reciproke të Vizave për Bartësit e Pasaportave Diplomatike dhe Zyrtare”, thuhet në njoftim.
Ahmeti po qëndron në vizitë zyrtare në Bangladesh. Përgjatë kësaj vizite, ai do të drejtojë konsultimet politike mes Ministrive të Jashtme dhe do të takohet me dikastere të ndryshme qeveritare dhe oda ekonomike. /Teve1.info/
