Komisioni Shtetëror i Zgjedhjeve ka bërë të ditur se deri në orën 11:00 në Maqedoni të Veriut kanë votuar 70.424 qytetarë që në përqindje është 10,10.
Gjatë konferencës së parë, nënkryetari i KSHZ-së, Avdush Demiri ka bërë të ditur se procesi zgjedhor në mbarë vendin po zhvillohet pa pengesa dhe se jehona e votuesve deri në ora 11:00 është 10,10%.
“Sipas të dhënave gjithsejtë 70 424 votues deri në orën 11:00, e kanë kryer të drejtën e votës, do të thotë jehona e votuesve deri në orën 11:00 është 10.10 për qind. …deri në këto momente në KShZ të gjitha informatat që vinë tregojnë që zhvillohet një proces zgjedhor i qetë dhe demokratikë, pa ndonjë pengës”, tha Demiri.
Votime sot ka në 32 komuna dhe në Qytetin e Shkupit, ndërsa në tre vendvotime në Shutkë (Shuto Orizare) do të ketë rivotime për këshilltarë.
