Kanë përfunduar pjesët e para në katër duelet e së enjtes, që kanë nisur në kohë të njëjtë, në kuadër të javës së gjashtë të Superligës së Kosovës në futboll.
Derbi në Suharekë ndërmjet Ballkanit e Dritës, është duke i takuar vendësve, të cilët kaluan në avantazh me golin e Walid Hamidit. Drita realizoi njëherë por goli i Arb Manajt u anulua pas rishikimit me VAR.
Në Klinë, në ndeshjen ndërmjet Dukagjinit e Llapit, rezultati pas 45 minutave është 1:1.
Alex Gnappi shënoi për llapjanët, derisa rezultatin e barazoi Dienit Isufi për klinasit.
Trajneri i Dukagjinit, Ismet Munishi u përjashtua me karton të kuq për shkak të protestave të tepruara ndaj gjyqtarëve.
1:1 është edhe në duelin, Malisheva – Ferizaj, me vendësit që e barazuan rezultatin përmes Arlind Veliut në minutën e 36-të, vetëm pesë minuta pasi Ferizaj kishte kaluar në epërsi, përmes Ardit Iljazit.
Ndërsa nuk ka gola në ndeshjen Gjilani – Drenica, pas 45 minutave të para.
