Sulmuesi Sunday Adetunji më nuk do të jetë pjesë e skuadrës së Ballkanit.
Ekipi nga Suhareka ka bërë të ditur se Adetunji do ta vazhdojë karrierën në Sudan, saktësisht te skuadra Al Hilal.
Ballkani ka njoftuar se ka arritur marrëveshje për shitjen e Adetunjit tek Al Hilali, por nuk i ka bërë të ditura detajet e marrëveshjes.
“Sulmuesi ynë nigerian Sunday Adetunji mbyll kapitullin e tij te FC Ballkani, duke u transferuar te klubi sudanez Al Hilal. Gjatë periudhës sa ishte pjesë e skuadrës sonë, Adetunji dha kontribut të rëndësishëm, për çka e falënderojmë dhe i urojmë shumë suksese në aventurën e re në karrierë”, ka shkruar Ballkani.
27-vjeçari në vitin 2024 iu bashkua Ballkanit dhe me ekipin e Superligës kishte kontratë deri në vitin 2027.
