Kampioni i Kosovës në futboll, Ballkani, ka prezantuar një tjetër futbollist.
Almir Kryeziu është përforcimi i radhës i skuadrës suharekase, ndërsa lajmi është zyrtarizuar nga faqja zyrtare e Ballkanit.
Kryeziu është transferuar nga skuadra e Dritës, dhe ka nënshkruar kontratë trevjeçare.
“Kemi kënaqësinë t’u njoftojmë se sulmuesi këmbëshpejtë, Almir Kryeziu, tashmë edhe zyrtarisht është pjesë e skuadrës kampione. Kryeziu është bashkuar menjëherë me ekipin, si një armë e fortë më shumë për trajnerin Ilir Daja. Klubi i uron mirëseardhje Almirit dhe shumë suksese të përbashkëta drejt synimeve tona”, ka shkruar Ballkani.
