Goli i bukur i Armend Thaqit nuk evitoi barazimin e Ballkanit në stadiumin “Bajram Aliu” ndaj Drenicës, ndeshje kjo që u mbyll me shifra 1:1, dhe i takoi xhiros së 11-të në Superligë. Në epërsi të parët kaluan vendasit Osman Mziu ka shënuar për 1:0 në minutën e 54-t të ndeshjes në Skenderaj. Ndërkaq në minutën e 81-të, Armend Thaqi barazoi rezultatin në 1:1, pas një goli të bukur nga distanca.
Ndërsa agjërimin e ka thyer Gjilani, skuadër kjo që i është kthyer fitores pas pesë ndeshjeve radhazi pa e shijuar në elitë. Kuqebardhët kanë triumfuar në udhëtim te Malisheva me rezultat minimal 1-0. Theophilus Solomon ishte realizator i golit të vetëm dhe të fitores për Gjilanin, në minutën e 52-të. Në minutën e 63-të Malisheva kishte mundësi ta barazonte rezultatit nga pika e bardhë. Megjithatë, Enea Koliçi priti me këmbë goditjen e Alban Shillovës, duke e ruajtur epërsinë e ekipit të tij.
Kurse sfidë me shumë gola ka qenë mes Trepçës ’89 dhe Llapit në “Zahir Pajaziti”. Kjo sfidë është mbyllur me shifra 3:3. Vlen të përmendentët se 89-shi ka qenë tri herë në epërsi, dhe tri herë mysafirët iu shmangën humbjes duke barazuar në të tri rastet. /Tëvë1/