Lideri aktual i Superligës së Kosovës, Ballkani, është ndalur në barazim të dielën në Klinë.
Ndeshja ndërmjet Dukagjinit dhe Ballkanit përfundoi pa gola dhe i takoi javës së 18-të të Superligës së Kosovës.
Të dyja skuadrat kishin disa raste shënimi por që nuk i konkretizuan.
Për Ballkanin ishte barazimi i parë pas katër fitoreve radhazi në të gjitha garat.
Ndërkohë për Dukagjinin është barazimi i tretë rresht.
Ballkani ka 33 pikë në vendin e parë. Prishtina është në pozitën e dytë me 30 pikë por e ka edhe një ndeshje më pak të luajtur.
Dukagjini e zë vendin e tretë me 29 pikë.
