Ballkani i Suharekës është rikthyer në pozitën e parë në Superligën e Kosovës në futboll, të cilën e mbajti skuadra e Llapit për 24 orë.
Ballkani, të dielën në Suharekë ka mposhtur skuadrën e Malishevës me rezultatin 2:0, në ndeshjen që i takoi xhiros së 24-të.
Pjesa e parë, përfundoi pa gola por dy gola në pjesën e dytë ia siguruan Ballkanit tri pikët e plota.
Fillimisht, Nazmi Gripshi (49’) shënoi për 1:0, përpara se Mamadou Dafna (69’) ta vulos rezultatin përfundimtar të ndeshjes. Me këtë fitore, Ballkani ka tubuatr 51 pikë, një më shumë se Llapi që është i dyti, ndërsa Malisheva mbetet në pozitën e katërt me 41 pikë.
Ndërkohë, në derbin e mbijetesës, Feronikeli ’74 ka shënuar fitore të rëndësishme pasi në Prizren e mposhti Lirinë me rezultatin 2:0. Robert Rrahmani (47’) dhe Ibrahim Cërvadiku (73’) shënuan golat për ekipin nga Drenasi.
Me këtë fitore, që është e para në pranverë, Nikli ngrihet në kuotën e 26 pikë kurse Liria mbetet e fundit me 10 pikë.
