Skuadra e Ballkanit ka vazhduar me përforcime në prag të sezonit të ri.
Pas mbrojtësit të krahut, Diar Vokrri, Ballkani është forcuar edhe me një portier me përvojë.
Bëhet fjalë për sllovenin Adnan Goluboviq, i cili së fundmi ishte pjesë e ekipit nga Rumania, Dinamo Bukuresht.
“Me një karrierë të ndërtuar në disa kampionate evropiane dhe paraqitje të sigurta mes shtyllave, Goluboviq vjen për të forcuar edhe më shumë repartin tonë mbrojtës, duke sjellë siguri, përkushtim dhe profesionalizëm”, ka njoftuar Ballkani të hënën.
29-vjeçari krahas Rumanisë, karrierë ka bërë edhe në Slloveni, ku ka fituar dy Kupa me Domzhalen e Koperin, pastaj ka luajtur edhe në Bosnjë e Hercegovinë dhe Itali.
Gjithashtu, Goluboviq është paraqitur edhe për ekipet U17, U18 dhe U19 të Kombëtares së Sllovenisë.
