Kampioni i Kosovës në futboll, Ballkani dhe fituesi i Kupës së Kosovës, Llapi kanë zhvilluar një ndeshje miqësore para ndeshjeve në garat evropiane.
Takimi mes portokallinjëve dhe kaltër e bardhëve është zhvilluar në stadiumin “Blinjanini Izvori” në Ohër.
Ekipi therandas ka shënuar fitore me shifra minimale 1:0. Goli i fitores për skuadrën e Ilir Dajës, erdhi në minutën e 70-të me realizator Albion Rrahmanin.
Ballkani para ndeshjes me Zalgiris Vilinus në rrethin e parë kualifikues të Ligës së Kampionëve, do të luajë edhe me 26 qershor një miqësore me nënkampionin e Superligës, Dritën.
Kurse, Llapi sfidën e radhës miqësore e ka me SC Gjilanin. /Tëvë1/
