Kandidati i AAK-së për kryetar të Komunës së Suharekës, Bali Muharremaj, ka prezantuar projektet që synon t’i realizojë nëse rizgjidhet në këtë post.
Përmes një video të publikuar në rrjetin e tij social, Facebook, Muharremaj ka premtuar ndërtimin e një stacioni modern të autobusëve, objektit të ri të “EkoTheranda”, një çerdheje bashkëkohore, qendrës së zjarrfikësve, një pishine gjysmë-olimpike, përkujdesje për të moshuarit në shtëpi, shkollës “7 Marsi” dhe realizimin e studimit fizibilitetit për ngrohtoren e qytetit.
Në balotazh, Muharremaj do të garojë kundër Ardian Shalës nga LDK-ja.
Në ciklin e parë të zgjedhjeve, Muharremaj ka siguruar 45.42% të votave, ndërsa Shala 31.32%.
