Albulena Balaj- Halimi, kandidate për kryetare të Prizrenit nga Nisma Socialdemokrate ka thënë se partitë politike do duhej të kandidonin më shumë gra për kryetare.
Ajo ka thënë se shumë gra të zonja në partitë politike dhe ato do të duhej të jenin kandidate në komuna ku potencialisht do të ishin fituese.
Sipas saj, Prizreni e ka një mundësi të tillë me kandidaturën e saj.
Balaj- Halimi ka thënë se kundërkandidatët e saj nuk duhet të njihen komod dhe mos të fshihen mbrapa emrin të partisë.
Ajo në emisionin “Ditari” në Tëvë1 ka thënë nëse qytetarët votojnë në bazë të projekte, ideve, ajo do të jetë kryetare e Prizrenit.
“Ftoj secilin kandidatë të Prizrenit të mos ndihen komod dhe mos të fshihen prapa emrit të partisë, sepse qytetarët janë ata që vendosin. Nëse qytetarët votojnë për ide, projekte dhe përgatitje besoj që do të jem kryetarja e ardhshme e Prizrenit”, ka thënë Balaj.
Ajo ka përmendur disa nga planet e saj, e që siç ka thënë janë edhe shqetësime të qytetarëve.
Ndër to, ka thënë se do të ofrojë falas trajtime për fëmijët që kanë probleme në të folur, rregullimin e parkingjeve , ku ka përmendur ndërtimin e një parkingu nëntokësor në Ortakoll.
Rregullimi i teleferikut të qytetit, që sipas Balajt ka nisur me vite do ta përfundojë, duke i vlerësuar të paarsyeshme arsyet e kryetarit aktual për mosrealizimin e tij.
Balaj si shqetësim e ka përmendur edhe mungesën e ujit të pijes duke thënë se nuk ka pasur investime.
Ajo ka thënë se do të ketë investime edhe në arsim e shëndetësi, poashtu ka përmendur rregullimin e transportit publik si dhe ndërtimin e një qendre ditore për pensionistët.
