Deputetja nga radhët e Lidhjes Demokratike të Kosovës, Hykmete Bajrami, për rastin e ambasadorit Martin Berishaj, i cili po akuzohrt për tri vepra penale ka thënë se ky skandal mund ta rrëzoj Qeverinë.
Bajrami ka thënë se Berishaj është dashur të suspendohej nga detyra në ditën kur Prokuroria Speciale ka filluar hetimet ndaj tij.
“Ajo që dyshojmë është ndoshta zbulimi i këtij skandali mund ta rrëzojë ndoshta vetë Qeverinë, përndryshe nuk mundesh me justifiku një mbrojtje të tillë, sepse i njëjti ish dashur të largohej, të suspendohej, të largohej nga pozita e ambasadorit në ditën kur Prokuroria Speciale i hapi hetimet për të”, tha ajo në emisionin “Info Nata” në Tëvë1.
Ish-ministrja ka ngritur dilemë se nga kush po mbahet Berishaj, kur i njëjti ushtron detyrën e ambasadorit në Kroaci edhe pse është nën hetime për vepra penale.
“Tash ai po hetohet nga Prokuroria Speciale, në ndërkohë që vazhdon me mbajt pozitën e ambasadorit. Nga kush po mbahet? Nga qeveria, e cila po thotë që po du me bo vetting dhe po du me luftu krimin dhe korrupsionin. Çfarë vettingu pritet me bë një qeveri dhe drejton sektorin e drejtësisë, kur një rast e ka komplet në dorën e saj? Nuk varet as prej një gjyqtari dhe as prej një prokurori ata e kanë marrë në mbrojtje në vend që ta shkarkojnë qysh te nesërmen kur kanë dalur informacionet dhe transaksionet e tij janë bërë publike”, ka thënë Bajrami.
Tutje, deputetja ka thënë se mënyra qysh kjo qeveri e ka menaxhuar krizën energjetike dhe luftimin e korrupsionit pasqyrë e tyre është Martin Berishaj.
“Mënyra se qysh kjo qeveria e ka menaxhu krizën energjetike fotografia është Martin Berishaj, mënyra se qysh kjo qeverie lufton korrupsionin prapë është rasti Martin Berishaj”, është shprehur ajo.
Martin Berisha akuzohet për tri vepra penale për invazion fiskal, për shpëlarje të parasë dhe për deklarim të rrejshëm në komisionin hetimor parlamentar.
