Deputeti i Lëvizjes Vetëvendosje ka dal me një sqarim lidhur me deklaratë e tij të dhënë në emsioin “Këndi i Debatit” në Tëvë1, se “ambasadori amerikan nuk merr vesh në ura, ai duhet të qëndrojë në ambasadë.
Bajrami ka thënë se qëndrimi i tij ka ardh pas pyetjes nga panelistët se pse ambasadori nuk mori pjesë në testimet e urës bashkë me Zëvendësministrin.
“Ky qëndrim i imi ka ardhur si rezultat i një diskutimi të gjatë dhe është nxitur nga një pyetje e panelistit, e cila ishte e paqartë dhe e pakuptueshme. Pyetja ishte pse Ambasadori nuk mori pjesë në testimet e urës bashkë me Zëvendësministrin. Pra përgjigjja ime ishte e drejtpërdrejtë ndaj pyetjes për arsyen e mungesës së Ambasadorit z. Hovenier në testimet e djeshme. Andaj, nuk është përgjigja ashtu siç po qarkullon”, ka shkruar Bajrami.
Bajrami në Tëvë1, ka thënë se ambasadorët e QUINT-it nuk kanë dhënë argumente se pse s’duhet të hapet ura.
