Deputetja e Lidhjes Demokratike të Kosovës, Hykmete Bajrami ka reaguar për sulmin ndaj gazetarit, Valon Syla.
Ajo ka thënë se shteti duhet të ofrojë shpërblim për qytetarët që japin informacione për sulmuesit e gazetarit Syla, shkruan teve1.info
“Shteti të ofrojë shpërblim për qytetarët që japin informacione për sulmuesit e gazetarit Syla. Askush nga pushteti, me përjashtim të kryetarit të Kuvendit, nuk ka reaguar për sulmin e mbrëmshëm ndaj Valon Sylës. Mosreagimi i tyre është sinjal i keq për këtë vend. Sepse duke mosreaguar Kryeministri, Presidentja dhe ministri i brendshëm sulmuesit mund të trimërohen. Shteti duhet të ofrojë shpërblime për ata qe japin informacione për arrestimin e sulmuesve”.
Ajo më tej, ka thënë se liria e shprehjes nuk negociohet dhe as nuk guxon t’i nënshtrohet asnjë grupi apo individi të dhunshëm.
<
