Deputetja e Lidhjes Demokratike të Kosovës, Hykmete Bajrami, në seancën e jashtëzakonshme në Kuvendin e Kosovës të thirrur nga vetë opozitarët thotë se Qeveria Kurti e ka vrarë elementin e barazisë së nxënësve në shkolla.
Bajrami ka pyetur se prej kujt po ikë Qeveria, dhe pse nuk është e gatshme të përballet me kritikat e opozitarëve.
“Pse sot nuk i kemi deputetët e mazhonancës që të përballen me kritikat tona”, tha ajo në Kuvend, përcjellë teve1.info
Tutje, Bajrami tha se ka prind të cilët kanë vizituar pesë librari për të kompletuar numrin e teksteve shkollore vetëm për një nxënës.
“Kemi parë prindër që i kanë shëtitur deri në pesë librari botuese për me i gjet librat e tyre, sepse me një klasë fëmijët kanë libra prej 4-5 shtëpive botuese. Të gjitha këto kokëçarje i keni shkaktuar prindërve. Çka me prindërit që janë me asistencë sociale, me ata prind që nuk po mund të aplikojnë e me të tjerët që llogarit bankare i kanë të bllokuara. Të gjitha këto janë probleme”, tha deputetja e LDK-së.
Përfund, ajo shtoi se viti shkollor do të përmbyllet derisa ka me pas ende fëmijë që nuk i kanë siguruar të gjitha librat.
“Ky vit ka me u përmbyll dhe ne kemi me qenë dëshmitarë secili prej nesh që ka me pas në secilën klasë, në secilën shkollë të Kosovës, fëmijë të cilët deri në fund të vitit nuk kanë me i pas komplet librat”, shtoi ajo./teve1.info/
