Ajo ka bërë thirrje që të paguhen mësimdhënësit dhe të mos manipulohen me shifra të pasakta të punësimit, ku deputeti i Vetëvendosjes, Armend Muja ka thënë sot se numri i të punësuarve në Qeverinë Kurti ka arritur në 414 mijë e 705, ndërsa shkalla e papunësisë është ulur për 17.7 për qind
E Bajrami e ka quajtur të pa vërtetë lajmin për rritjen e punësimit.
“Paguani mësimdhënësit, mos manipuloni me shifra të pasakta të punësimit. Asnjë temë tjetër nuk është më e rëndësishme se sa pagesa e mësimdhënësve. Asnjë video propaganduese, asnjë manipulim me shifra nuk e mbulon temën e pagesës së mësimdhënësve. Dhe, nuk është e vërtetë që është rritë punësimi për 6.9% në fund të vitit 2021”, ka shkruar Bajrami.
Deputetja e LDK-së ka publikuar edhe raportin vjetor të Auditimit për Buxhetin e Republikës së Kosovës për vitin 2021.
“Raporti Vjetor i Auditimit për Buxhetin e Republikës së Kosovës për vitin 2021, në faqe 78 thotë: 62,417 veta janë angazhuar nga KQZ në procesin e zgjedhjeve parlamentare të mbajtura me 14 shkurt 2021 dhe në zgjedhjet lokale të mbajtura në muajt tetor dhe nëntor 2021. Ndërsa shkalla e papunsisë sipas Agjecisë së Statistikave të Kosovës është 20.5%. Shih foton dhe linku i bashkangjitur këtu. Propaganda nuk ka kalon! Paguani mësimdhënësit!”, ka shkruar ajo.
https://teve1.info/lajmet/muja-thote-se-ne-qeverine-kurti-jane-hapur-mijera-vende-te-reja-pune/
