Deputetja e LDK-së, Hykmete Bajrami ka kritikuar kryeministrin Albin Kurti, ministrin e Financave, Hekuran Muratin, dhe deputetin, Armend Muja.
Përmes një postimi në Facebook, Bajrami i ka akuzuar që të tre se janë duke bërë propagandë sa i përket zhvillimit eknomik të Kosovës.
Bajrami ka thënë se kryeministri Kurti para se ta përmend fjalën ekonomi “duhet” t’i tregojë qytetarëve për 273 milionë eurot për tendera sekretë, shkruan teve1.info
Ajo kërkoi nga Kurti që të “tregojë” se si një zyrtare e lartë e Vetëvendosjes së intervistohet si dëshmitare në “një rast korrupsioni në KEK” kur nuk ka asnjë funksion në Qeveri e KEK.
“Gjatë fundjavës kujdestarë për propagandë ishin Albin Kurti, Hekuran Murati dhe Armend Muja. POR … ALBIN KURTI, para se me përmend fjalën EKONOMI duhet me ju tregu qytetarëve për 273 milionë Euro tendera sekret. Ai duhet me tregu se qysh ka mundësi që për një rast korrupsioni në KEK me u intervistu qoftë edhe në cilësinë e deshmitarës një zyrtare e lartë e LVV-së, e cila nuk e ka asnjë funksion as në Qeveri as në KEK. Ajo ka funksion të lartë në parti, çka duhet me dëshmu partia këtu?Edhe në cilësinë e dëshmitarëve do të ishte deri diku e arsyshme me u intervistu, këshilltarët e Nagip Krasniqit, ata që punojnë në KEK, se mbase e kanë udhëzu gabimisht, me u intervistu ata që punojnë në divizion të prokurimit, njësia e kërkesës, zyra ligjore apo cilido punëtor i KEK-ut, por me u intervistu dikush që asnjë lidhje zyrtare nuk e ka me KEK-un, qysh? Përveç kur prokurimi i 273 miliononë euro të tenderëve sekret gatuhet në zyret e LVV-së, aty ku Dejona është zyrtarja më e lartë, siç tha Glauku, ajo i koordinon ”politikat profesionale” të LVV-së.” – ka shkruar Bajrami në Facebook.
