Deputetja e Lidhjes Demokratike të Kosovës, Hykmete Bajrami, e ka quajtur propagandë deklarimin e kryeministrit të Kosovës, Albin Kurti se qytetarët kanë paguar më shumë tatime sepse i kanë besuar qeverisjes së tij.
Ajo ka thënë se fakti pse qytetarët kanë paguar më shumë tatime është se çmimet janë rritur prej 50%.
“Kurti po thotë, njerëzit kanë paguar më shumë tatime se po i besojnë atij, Martin Berishajt, Nagip Krasniqit, Ridvan Muharremit, Naser Hafizit e këtyre. Të gjithë kemi paguar më shumë tatime sepse tatimet janë përqindje e çmimeve, e çmimet për produktet që Kurti pat premtuar me i liru janë rritë mbi 50%”, ka shkruar ajo.
