Deputetja e LDK-së, Hykmete Bajrami i ka reaguar ministres në detyrë të Ekonomisë Artane Rizvanollit e cila dha kritika për letrën e LDK-së dërguar në ZRrE ku kanë kërkuar anulimin e vendimit për rritjen e tarifave të energjisë, duke thënë se ai vendim mund të shfuqizohet vetëm me vendim gjykate.
Bajrami në reagimin e saj, ka thënë se Rizvanolli nuk i plotëson kushtet për kritikuar veprimet e askujt e aq më pas të LDK-së.
Ajo ka bërë fajtore Rizvanollin për rritjen e tarifave të energjisë si dhe i ka kërkuar sqarim për tenderët e dhënë në KEK, sipas saj, kompanive që nuk i kanë plotësuar kriteret.
Bajrami e ka ftuar në debat Rizvanollin të cilës i është referuar si deputete.
“E dimë që ju pengon LDK-ja – ju pengon secili që ju kërkon llogari dhe ju vendos përballë fakteve. Hajde në debat deputet e t’i përballim faktet! Nëse nuk vjen të kuptoj se nuk e ke lehtë në rolin që të ka caktuar partia për të mbrojtur mafinë energjetike, nga Martini e Nagipi, e deri te miku i deputetit Kurti në Greqi, z. Georgios Peristeris”, ka shkruar ndër të tjera Bajrami./teve1.info/
Rizvanolli: LDK po të brengosej për qytetarët nuk do të bllokonte formimin e institucioneve
