Deputetja nga radhët e Lidhjes Demokratike të Kosovës, Hykmete Bajrami, i ka reaguar Ministrit të Financave, Punës dhe Transfereve, Hekuran Muratit, i cili sot ka deklaruar se qarkullimi i bizneseve në muajin janar dhe shkurt kanë shënuar rritje për 4.8 përqind, krahasuar me periudhën e njëjtë vitit të kaluar.
Përmes një postimi në Facebook, Bajrami i ka shtruar pyetje Muratit, duke i thënë se çfarë ka bërë ai për sektorin privat.
“Ministër, po ta kujtoj se eksportet e Kosovës të vitit 2023 janë për 6% me të ulëta 📉 se ato të vitit 2022, për këtë s’po flet a? Çka ke bë ministër për sektorin privat që po krenohesh me qarkullimin e tyre, përveç që ju ke marrë taksat dhe i ke shpërnda në formë të karameleve”, thuhet në postimin e Bajramit.
Madje sipas saj, në mandatin e Qeverisë Kurti, investimet kapitale të nivelit qendror janë të njëjta me ato të vitit 2917, bizneseve u është dyfishuar tatimi në pronë dhe çmimi i energjisë.
“Bizneset për shkak të sanksioneve që ju e keni futë vendin e kanë pasë shumë më vështirë me i mirëmbajtë kontratat me partnerët e tyre jashtë dhe për atë arsye eksporti në vitin 2023 është për 6% me ulët 📉 se ai i vitit 2022”, thuhet tutje në postimin e Bajramit.
Murati: Rritet për 4.8% qarkullimi i bizneseve në janar dhe shkurt
