Familjarë, bashkëluftëtarë e qytetarë u mblodhën këtë të shtunë në përkujtim të tre heronjve që u vranë para 25 vitesh nga forcat serbe në lagjen “Bregu i Diellit” në kryeqytet.
Pjesë e ceremonisë ishte pjesë edhe kryeministri, Albin Kurti i cili bashkë me pjesëmarrësit tjerë, vunë lule tek busti i Hyzri Tallës, Afrim Maliqit e Ilir Durmishit.
E për ta, fjalë përkujtuese pati një ish- bashkëluftëtar i tyre i cili foli për veprën e tyre gjatë kësaj periudhe.
Kurse, babai Ilirit, Hilmiu tregon se takimi i fundit me të birin ka qenë disa orë para se të vritej nga forcat serbe.
Ai rrëfen se asnjëherë nuk ishte njoftuar nga djali i tij për aktivitetin e tij dhe të shokëve në atë kohë, por që thotë se e kishte vërejtur një gjë të tillë e për çka sot është krenar.
Hyzriu, Afrimi e Iliri u vranë në vitin 1998 nga shërbimi sekret serb teksa ishin duke lëvizur me veturë në afërsi të Qendrës së Studentëve.
Tre dëshmorët janë dekoruar nga Presidenca e Kosovës.
