Siç thotë si, fjalët e kryeministrit Albin Kurti se ka rritje të numrit të punëtorëve janë gënjeshtra.
“Ne mbajmë përgjegjësi për atë çka e themi, janë në një farë forme gënjeshtra të llojit të vet, sepse ne nuk kemi rritje të numrit të punëtorëve në sektorin privat. Përkundrazi, kemi një zvogëlim të numrit të punëtorëve në mënyrë reale”, tha ai në “Këndi i Debatit” në Tëvë 1.
Azemi theksoi se këto deklarata janë sa për t’i bërë qejfin vetes.
“Ejani dhe shkoni në Trustin e Kosovës, e shihni diferencën mes vitit 2021 dhe vitit 2022. Në vitin 2022 kemi rreth 12-13 mijë punëtorë më pak se në vitin 2021. Këto janë sa për t’i bërë qefin vetit. Përndryshe po thojnë se kemi edhe rritje ekonomike dhe në një farë forme po lëvdohen me të gjitha këto që po i arrijnë, por megjithatë ju them diçka: asnjëherë punëtorët e sektorit privat të Kosovës nuk kanë gjendje më të rëndë se sot”, shtoi ai. /Teve1.info/
