Këtë e ka thënë kryetari i Sindikatës së Punëtorëve në Sektorin Privat, Jusuf Azemi.
Ai në emisionin “Ditari” në Tëvë1, tha se me këtë vendim Qeveria ose nuk e di gjendjen në teren, ose është bërë për tu moszbatuar.
“Po dyshojmë që është bërë me qëllim që mos të realizohet ky subvencion”, tha Azemi.
Ai ka kërkaur nga Qeveria e Kosovës që të heqë kushtëzimin për subvencionim të rritjes së pagës 50 euro nga punëdhënësi dhe 50 nga Qeveria.
Azemi ka kërkaur nga Qeveria që mjetet planifikuara për sektorin privat t’i qesë në llogaritë e punëtorëve.
“95 për qind e punëtorëve të Kosovës nuk do ta gëzojnë këtë subvencionim. Nuk ka gjasa të realizohet. Ne po kërkojmë që Qeveria mjetet që i ka ndarë për punëtoret e sektorit privat ti qetë në kontot e punëtorëve e ta heqë këtë kushtëzimin”, ka thënë Azemi.
Ai nuk e ka përjashtuar mundësinë e hyrjes në grevë edhe nga punëtorët e sektorit privat nëse nuk hiqet ky kushtëzim.
Qeveria e Kosovës të shtunën ka propozuar pakon e re për përballje të inflacionit.
Në mesin e pakos parashihet edhe subvencionimi i pagës për punëtorët e sektorit privat, 50 përqind nga Qeveria për një rritje prej 100 euro.
