Ani pse një pajisje për fotografim të këtij lloji është blerë para gjashte viteve, ajo nuk është funksionalizuar kurrë.
E për këtë çështje, nuk ka pranuar të flas drejtori i kësaj QKMF-je, Ymer Llugaliu.
Madje ky as nuk e lejoi kryemjekun, Bajram Bajgora të prononcohet para kamerave.
Ky i fundit, në lidhje me këtë pajisje, ka ngritur një shqetësim në llogarinë personale në Facebook.
“Përpjekja ime deri tash ishte e kotë dhe krejt çka mund të them është kjo: dikush më tha nuk ka shanse me marr kodin, dikush tha krejt aparaturat mundesh me i fut në funksion Ortopanin jo dhe jo rrallë nga faktorë brenda u qortova: na ke lodhë me këtë Ortopan. Diçka po fshihet këtu, shtrohet pyetja jemi simbiozë me grupet e interesit apo të pafuqishëm përballë tyre, apo mund të jetë opsioni i blerjes së një të riu për të mbuluar me”pluhur” këtë që e kemi”.
Ekipi i Tëvë1, nga drejtori i kësaj qendre të mjekësisë familjare, nuk u lejua as të marrë pamje të ortopanit.
Ndërsa burime të televizionit brenda QKMF-së në Podujevë, kanë thënë se kjo pajisje nuk ndodhet më në repartin e stomatologjisë.
Për këtë temë Tëvë1, ka pyetur edhe në Komunën e Podujevës.
Por as këta, nuk kanë pranuar të flasin për arsyen që po i detyrojnë llapjanët të paguajnë tek privatnikët për këtë shërbim.
Kronika e realizuar nga Fidan Zejnullahu
