Kenan Gashi, drejtor ekzekutiv të AVONET, është kërcënuar nga Faredin Grainca, vëllai i pronarit të Hit Petrol.
Lidhur me këtë, rrjeti i OJQ-ve AVONET ka shprehur shqetësimin në lidhje me kërcënimet ndaj drejtorit ekzekutiv nga një palë e përfshirë në një rast që AVONET po e trajton në gjykatë, në rastin kundër Komunës së Ferizajt.
Në komunikatë për media thuhet se Grainca në ambientet e Spitalit Rajonal të Ferizajt, ka kërcënuar dhe kanosur rëndë Kenan Gashin.
Kjo pasi, duke dyshuar se veprimet e tij vijnë nga frustrimi për shkak të çështjeve që janë në gjykatë.
Në komunikatë thuhet se i dyshuari iu ka drejtuar Gashit me fjalët “ka me tvra, ka me tmyt, ka me ta shkatrru familjen”.
Gjithashtu, është bërë e ditur se i dyshuari edhe i është vërsulur, por pastaj ka intervenuar menjëherë policia duke e kapur sulmuesin.
“Ky rast nuk është vetëm kërcënim vetëm për drejtorin e AVONET-it, por të gjithë stafin e AVONET-it. Institucionet ligjzbatuese dhe të drejtësisë duhet të trajtojnë këtë veprim penalisht me seriozitet dhe përkushtim, në mënyrë që shoqëria civile të mund të ushtrojë detyrat dhe funksionet e saj padënueshëm” ”, thuhet në njoftim.
Ndërkohë, rasti është paraqitur edhe në Stacionin Policor të Ferizajt./teve1.info/
