Ai në emisionin “Ditari” në Tëvë 1 theksoi se kjo mund të vërtetohet edhe nga hetimet e Inspektoriatit Policor të Kosovës.
“Por tash është vështirë në arrit një konkludim por nuk është serioze nga avokati me arrit një konkludim me një video mirëpo nga ajo që pashë dhe nga ajo që një jurist objektiv e sheh mendoj që ka elemente të veprës penale të keqtrajtimit të detyrës zyrtare që manifestohet me frikësim ose fyerje të dinjitetit të personit tjetër. Nëse një hetim i pavarur nga IPK ose është duke realizuar do të rezultonte se me ato veprime është fyer dinjiteti ose frikësua personi tjetër mendoj që ka elemente të veprës penale”, tha ai.
Tutje, avokati tregoi edhe masat ndëshkuese ndaj zyrtarëve policorë të cilët pretendohet se kanë kryer vepra të ndryshme penale.
“Parimisht suspendimi është masë e përkohshme deri sa të vërtetohet se a ka pasë shkelje a ka pasë vepër penale a çka nëse rezulton vepër penale dhe mbi 6 muaj burg efektivë zyrtari mund të dënohet edhe përjashtohet madje të vuaj dëbimin për vepër penale nëse rezulton me shkelje të lehta mund të suspendohet përkohësisht dhe të kthehet në punë ose t’i ndërrohet pozita ose të përjashtohet nga shërbimi policor por kryesisht janë çështje që janë të shpjeguar mirë brenda legjislacionit të brendshëm të PK-së që nuk mund t’i presupozojmë por e di që ligji ka paraparë masa për të gjitha rastet duke filluar nga vërejtja, qortimi, suspendimi me pagesë deri te masa më e rëndë që është përjashtimi nga Policia”, tha ai.
Sipas tij, organet e rendit duhet ndërmarrë masa ndëshkuese ndaj policëve në proporcion me dëmin që është shkaktuar, në mënyrë që ato të jenë të efektshme te ta.
“Mendoj që IPK, PK duhet të ndërmerr dënim ose masa të quaj në formën më të butë në proporcion me dëmin që është shkaktuar nëse një polic ka shkaktuar dëm të madh ose ka bërë kanosje ose dhunë ndaj personit duhet të jetë në atë proporcion sa ai t’i vuajë pasojat e atij dënimi dhe ta kuptojë se ka bërë një sjellje të keqe dhe do të reflektojë në punën e tij. Nëse praprë ndodh është diçka më serioze dhe që sigurisht në të ardhem do të përballohet me ligjin”, shtoi ai./teve1.info/
