Në rinisjen e seancës gjyqësore radhën e deklaratës hyrëse e ka Ben Emmerson, avokati i ish-kryeparlamentarit të Kosovës, Kadri Veselit.
Emmerson, ka thënë se disa persona për qëllime politike e kanë ekzagjeruar rolin e tyre në UÇK, raporton teve1.info.
“Disa persona e kanë ekzagjeruar rolin e tyre në UÇK shpesh për qëllime të aktualitetit politik të ditës, por të tjerë janë përpjekur të distancohen nga ngjarjet, sepse e kanë ditur se disa prej veprimeve të tyre kanë qenë të dyshimta, dhe mund të dilnin një ditë para një gjykate penale”, tha ai.
Sipas Emmerson gjatë këtij gjykimi do të paraqitet një panoramë e ndërlikuar e një periudhe kaotike, për shkak të distancës kohore prej kur ka ndodhur lufta e deri te nisja e gjykimit.
Emmerson ka thënë se ngjarjet që tani shihen kanë ndodhur gati para 25-viteve dhe me keqbesim apo jo, kuptimet e tyre mund të dobësohen ose të shtrembërohen.
Sipas tij, situata mund edhe të ndërlikohet për shkak të propagandës së luftës, që sipas tij, është përdorur nga të gjitha palët, ku përfshinë edhe UÇK-në.
