Avokati i Popullit së shpejti me raport për të kundërshtuar shtrenjtimin e rrymës
Rritja e çmimit të rrymës për 16 përqind, shkaktoi reagime nga disa kategori në Kosovë.
Vendimin e Zyrës së Rregullatorit për Energji për shtrenjtimin e energjisë elektrike e ka kundërshhtuar edhe Avokati i Popullit.
Ky institucion kishte dalë edhe më një kërkesë për pezullim të vendimit porse e njëjta ishte refuzuar.
Mirëpo avokati i popullit, nuk po zmbrapset së kundërshtuari.
Në kuadër të kësaj, së shpejti u paralajmërua se do të publikohet një opinion, i cili do të argumenton se pse shtrenjtimi i rrymës, duhet të zhbëhet.
“Ky opinion do t’i shërbejë edhe Gjykatës në vendimmarrje, jo në drejtim të ndërhyrjes në vendimmarrje, por të paraqitjes së shqetësimeve legjitime që unë, si avokat i popullit, kam për problemet me të cilat kanë me u ballafaqu qytetarët. Sepse një rritje e tillë e energjisë dhe kalimi në tregun e lirë për bizneset, duke pasur parasysh gjithë problematikat aktuale, pasojat mund të jenë serioze në rrezikim të paqes sociale dhe në rrezikim të mirëqenies së jetës së qytetarëve”, thotë Naim Qelaj , Avokat i Popullit
Avokati i popullit, Naim Qelaj, një pjesë të fajit për situatën me energji ia atribuon mungesës së funksionalizimit të Kuvendit.
“Kjo është pasojë edhe e moskonstituimit të Kuvendit pas zgjedhjeve të fundit parlamentare. Sepse me sa duket nuk pa ka zë të mjaftueshëm me reagu në mbrojtje të qytetarëve edhe pse autoritetet, në këtë rast Qeveria dhe Ministritë janë në detyrë, pra ushtrojnë funksionin e tyre”, shprehet Qelaj.
Kundër shtrenjtimit të rrymës prej 16%, është bërë edhe një padi nga grupi “Asnjë cent më shumë”, por që nga shkalla e parë e gjyqësorit është refuzuar.
Andaj ata kanë paralammëruar që do i drejtohen me ankesë Apelit.
