Në Dhomat e Specializuara të Gjykatës Speciale po vazhdon gjykimi ndaj katër ish-krerëve të Ushtrisë Çlirimtare të Kosovës, të cilat po akuzohen për krime lufte dhe krime kundër njerëzimit, raporton teve1.info.
Në rinisjen e seancës gjyqësore radhën e deklaratës hyrëse e ka Ben Emmerson, avokati i ish-kryeparlamentarit të Kosovës, Kadri Veselit.
Deklarata hyrëse e avokatit mbrojtës pritet të jetë 45 minuta deri në 1 orë kohë.
Para pauzës së drekës, para trupit gjykues ka folur ish-presidenti i vendit, Hashim Thaçi, i cili është deklaruar i pafajshëm dhe ka ndjerë keqardhje për viktimat e luftës.
Ai tha se ky gjykim ka hequr “renë e zezë” mbi Kosovën, sa i përket pretendimeve të ish-senatorit amerikan, Dick Marty, për trafikim organesh nga UÇK-ja.
“Bota tani e di, sot si rezultat i këtij procesi qe nuk kishte trafikim organesh dhe se shtëpia e verdhë nuk ka ekzistuar kurrë. Tani e dimë unë, UÇK dhe të gjithë shqiptarët jemi shfajësuar nga këto akuza. E vërteta është thënë dhe se reja e zezë mbi Kosovën është hequr. Kjo sakrificë ia ka vlejtur. Unë pres te shfajësohem nga çdo akuzë në fund të këtij procesi” ka thënë Thaçi.
Thaçi beson se ky proces do të jete i drejtë dhe transparent. /teve1.info/
