Prokuroria Speciale ka prezantuar një sërë provash, në gjykimin për sulmin terrorist në Banjskë të Zveçanit.
Të akuzuarit Blagoje Spasojeviq, Vladimir Toliq dhe Dushan Maksimoviq duken qartë në disa prej tyre.
(ndonjë pamje të provave ku duken të akuzuarit. Nëse nuk e gjen, e marrim prej aktakuzës një foto)
Në seancën e së enjtes, Prokurori Special, Naim Abazi tregoi se qëllimi kryesor I sulmit ishte shkëputja e komunave veriore dhe bashkimi i tyre me Serbinë.
Për t’u arritur ky qëllim, fillimisht u bë planifikim.
Në takimet e grupit, sipas Prokurorisë morri pjesë edhe Presidenti i Serbisë, Aleksandar Vuçiq, bashkë me kryeterroristin në arrati, Milan Radojiçiq.
Për anëtarët e grupit u realizuan ushtrime fizike e taktike,
Përkundër gjithë këtyre provave, Spasojeviq, Toliq dhe Maksimoviq përsëri nuk e pranuan fajësinë.
“Nuk jam fajtor për veprën penale në këtë aktakuzë”, u deklarua Maksimoviq.
“Unë askënd nuk e kam sulmu me eksploziv, askënd s’e kam sulmu me armatim të rëndë, askënd nuk e kam vrarë, askënd nuk e kam lënduar. As që e kam pasë për qëllim që veriun e Kosovës ta shkëpusë dhe ta bashkojë me Serbi”, u shpreh i akuzuari Spasojeviq
I akuzuari Toliq, pranoi se ishte në Banjskë, por mohoi se dinte se çfarë ishte planifikuar të ndodhte atje.
Toliq që nga sulmi kishte mbetur i plagosur, pati falënderim për stafin mjekësor të QKUK-së për mënyrën se si e kishin trajtuar.
“Unë kam qenë i lënduar rëndë dhe se disa ditë, jam mjekuar në QKUK. Falënderim i madh, i kam borxh doktorit Skender Uka, ekipit të tij, të cilët atë ditë në mënyrë profesionale e kanë kryer punën e tyre dhe mua ma kanë shpëtuar jetën dhe për këtë gjë jemi pafundësisht falënderues unë dhe familja ime. Unë Vladimir Toliq, më 24.09.2023 në askënd nuk kam gjuajtur, dhe as që kam pas ndonjë qasje në mjete eksplozive”, tha ai.
Për këta të tre, përfaqësuesi i familjes së rreshterit të vrarë, Afrim Bunjaku, avokati Arianit Koci kërkoi burgim të përjetshëm.
Mbrojtja e të akuzuarve, pati kritika për përmbajtjen e aktakuzës.
Për palët e dëmtuar u paralajmërua edhe një kërkesë për zhdëmtim.
E ndaj 41 të pandehurve të tjerë, Gjykata ka lëshuar letër rreshtime ndërkombëtare.
