Një avion i kompanisë GP Aviation, i planifikuar të fluturonte nga Baseli drejt Prishtinës, ka ndërprerë ngritjen për shkak të problemeve teknike, duke mbetur në pistën e EuroAirport Basel. Të dhënat e fluturimit konfirmojnë se bëhej fjalë për një Boeing 737-400 të GP Aviation.
Pas incidentit, pista u bllokua përkohësisht dhe trafiku ajror u përball me vonesa dhe anulime, ndërsa disa fluturime u devijuan drejt aeroporteve të tjera, njofton albinfo.
Të gjithë pasagjerët e avionit u kthyen në terminal me autobus dhe, sipas raportimeve, nuk pati të lënduar. Shkak i mundshëm i problemit raportohet të kenë qenë frenat e mbinxehura pas ndërprerjes së ngritjes, por kjo nuk është konfirmuar zyrtarisht.
