Deputeti i Listës Guxo. Haxhi Avdyli, para seancës konstituive tha se kryetari i Kuvendit duhet të jetë një person i cili ka përkrahje më së shumti nga qytetarët që kanë votuar partinë fituese, e jo të caktohet nga Partia Demokratike e Kosovës.
Avdyli bëri të ditur se ministrat e legjislaturës së tetë do të propozohen nga Lëvizja Vetëvendosje, pasi që janë më të votuarit dhe kjo është e qartë sipas praktikave demokratike dhe historisë së Kosovës.
Avdyli tha se “PDK-ja nuk e ka luksin për t’ia caktuar emrin e kryeparlamentarit dhe se i ftojnë për dialog.
“Ministrat janë më të votuarit për këtë arsye nuk po dëshirojnë që njerëzit e votuar me qenë në ballë të kuvendit, por njerëz më pak të votuar. Nuk është kjo dëshirë e PDK-së me na caktua ne një deputet me dhjetë mijë vota ndërsa dikush me 120 mijë vota nuk bënë. PDK-ja nuk e ka atë luks, atë mundësi për me na caktua emrin. Ne i ftojmë për dialog bashkëbisedim të gjetjes e një uniteti. Këta nuk po dëshirojnë me vazhdua te krijimi i Qeverisë, po dëshirojnë me ia vazhdua mandatin Kurtit, kjo opozitë po del se është një adhurues sekret i Albin Kurtit”, tha Avdyli.
Në seancën e dytë pas aktgjykimit të plotë të Gjykatës Kushtetuese, nga Lëvizja Vetëvendosje është propozuar për kryeparlamentar ministri në detyrë i financave, Hekuran Murati, i cili nuk i pati votat.
