Abdullahu në emisionin “Ditari” në Tëvë1, ka thënë se qeverisja Kurti e ka ndërtuar konceptin e saj politik me populizëm.
Ai ka thënë se detyra e opozitës është për të demaskuar këtë Qeveri.
“Qeverisja Kurti, qeverisja e mendësisë Vetëvendosje, qeverisja e cila ka ndërtuar konceptin e saj politik më herët në opozitarizëm, nuk është vetëm një vit por ka bërë edhe më herët marifetet të cilat i ka bërë ajo. Qytetari është duke kuptuar dhe detyra jonë si opozitar është për të demaskuar këtë qeveri, për të treguar se kemi të bëjmë me mendësinë e Qeverisë. Nga të këqijat më të mëdha, është mungesa e pragmatizmit të cilën e kamuflon me tema të ndishme me populizëm. E tillë ka qenë në opozitarizëm për shumë vite dhe është e pa shmangshme dhe nuk mund ta shmang kjo qeveri këtë qasje populiste dhe e vazhdon”, ka thënë Abdullahu.
Sipas tij, kësaj qeverie i mungon guximi, ideja edhe strategjia.
Ai thotë se qytetarët janë të zhgënjyer nga kryeministri Albin Kurti, ku përmendi edhe ikjen e të rinjve nga vendi.
“Zhgënjimi i qytetarëve është ekstra i madh sepse populizmi i ka këmbët e shkurta si rrena, dhe i dalin shpejt të gjitha ato marifete që i ka bërë. Arkiva është ajo që na nxjerr Kurtin dhe të tjerët si ai deri sa ishin në opozitë dhe çfarë po ndodh tani. Është ai që thoshte se do t’i zbres çmimet por çmimet u rritën në mënyrë alarmante”, tha ai.
Abdullahu ka deklaruar se për t’i ndihmuar qytetarit duhet që qeveria të heq TVSH-në, akcizën nga nafta dhe heqjen e një pjese të parave nga Trusti, Kurti nuk po e bën asnjërën.
Sipas tij, Kurti nuk ka ide as si t’i bëjë dhe i njëjti nuk dëgjon.
“Ka shumë mundësi për ti ndihmuar qytetarit për të mos pasur ngritje të çmimeve, qoftë duke hequr TVSH, apo akcizën nga nafta, apo mundësin të ia jep qytetarit që të heqin para nga trusti, asnjërën nuk e bën, nuk ka ide as si ti bëjë dhe nuk dëgjon”.
“Kjo qeveri në mënyrë të vazhdueshme ka dështuar. Ne kurrë në histrinë tonë, të shtetndërtimit nuk i kemi pasur në këtë nivel të ultë raportet me SHBA-në”, ka thënë Avdullahu. /teve1.info/
