Avdija konsideron se këto marrëveshje do t’i sjellin zhvillim ekonomik Kosovës edhe Shqipërisë.
Ai tha se projekti për ndërtimin e hekurudhës Durrës – Prishtinë do të ndihmojë kryesisht në uljen e kostove të udhëtimit dhe do të ndikojë që kompanitë e transportit rrugor të ulin biletat e udhëtimit për shkak të konkurrencës.
“Kjo marrëveshje do të ndihmojë kryesisht në uljen e kostove të udhëtimit dhe do të ndikojë edhe te kompanitë e transportit rrugor që të ulin biletat e udhëtimit për shkak të konkurrencës, sepse transporti hekurudhor është dukshëm më i lirë sesa transporti rrugor. Pra edhe aspekti kohor edhe ai financiar do të jenë benefite direkt tek konsumatori, por ajo që është më e rëndësishme është përdorimi i hekurudhës për pjesën e lëvizjes së mallrave te bizneset në Kosovë dhe në Shqipëri “, tha Avdija.
I ftuar në emisionin “Ditari” në Tëvë1, ai theksoi mundësinë e shfrytëzimit të Portit të Durrësit si pikë doganore të të dyja vendeve.
“Nëse e shfrytëzojmë Portin e Durrësit si pikë doganore të të dyja vendeve, kjo do të lehtësojë barrën e kostove te bizneset vendore qoftë për importin e produkteve nga jashtë, qoftë për eksportin e produkteve jashtë vendit të cilat do ta përdorin pikën doganore në Durrës”, tha ekonomisti Besnik Avijaj.
Qeveria e Kosovës dhe ajo Shqipërisë kanë nënshkruar sot 19 marrëveshje në mbledhjen e përbashkët të mbajtur në Prishtinë.
