Njohësi i çështjet të protokollove Tomorr Avdia, ka thënë se takimi i zhvilluar në hapësirat e Kuvendit i kryeministrit në detyrë të Kosovës, Albin Kurti dhe presidentes së Komisionit Evropian, Ursula von der Leyen, ka ndodhur për shkak një qëndrimi të zyrës së BE-së që të mos ketë takime me zyrtarët në objektin e Qeverisë deri në formimin e qeverisë së re.
Ai ka thënë se për agjendën e takimeve është diskutuar gjatë nga palët dhe se takimi është vendosur të mbahet jashtë objektit të Qeverisë, por në një institucion shtetërore.
Avdia ka thënë se edhe mos takimi me kryetarin e Kuvendit, Dimal Basha ka ndodhur për shkak se në kohën kur është planifikuar agjenda, Kuvendi nuk ka qenë i konstituuar.
“Në kohën kur është parapa agjenda Kuvendi nuk ka qenë i konstituuar dhe nuk është zhvilluar takimi me Bashën. Në rastin me kryeministrin, kuptohet se ka pasur diskutime të cilat i ka negociuar zyra e BE-së dhe protokolli i saj personal dhe janë dakorduar që të ketë një hapësirë tjetër. Është një zyrë jashtë qeverisë, por shtetërore. Kurtin e ka takuar si kryeministër në detyrë, sepse nuk ka pasur takim me liderë të partive politike”, ka vlerësuar ai.
Ai ka thënë se presidentja Osmani është me legjitimitet të plotë dhe për këtë arsye ka ndodhur takimi më të zyrën e Presidencës.
