Sepse sipas tij, nëse Serbia kundërshton zbatimin e marrëveshjeve të nënshkruara do të penalizohet nga Bashkimi Evropian.
“Penalizimet shkojnë për ato shtete kur ato nuk i zbatojnë këto marrëveshje. Në këtë kontekst në qoftë se Serbia mbetet “dele e zezë” e moszbatimit të këtyre marrvëshjeve, pastaj do të ketë penalizime nga Bashkimi Evropian dhe institucionet, duke përfshirë këtu që ka mekanizma që i realizon në këtë rast pasi që Procesi i Berlinit është proces i cili ka pas vetes një sërë mekanizmash këtu duke përfshirë ata legjislativ, juridik por edhe financiar. Të cilat të gjitha këto e penalizojnë Serbinë e cila edhe në qoftë se tenton që mos ta zbatojë këtë marrëveshje jo vetëm në raport me Kosovën por edhe me Shqipërinë, Maqedoninë e Veriut, me Malin e Zi, me Bosnjen pastaj ajo do të jetë e goditur nga këto penalizime”, u shpreh ai.
Avdia në Tëvë1 deklaroi se Serbia nuk është ndonjë fuqi e madhe por që sipas tij, është përkëdhelur në shumicën e rasteve nga BE-ja.
Teksa shtoi se kjo përkëdhelje e Serbisë nga BE-ka, kësaj të fundit i është “shpërblyer” me mosbindje dhe injorim në shumë raste.
“Duhet ta pranojmë që Serbia nuk është ndonjë fuqi e madhe po them as rajonale e as botërore, sepse në shumicën e rasteve ajo është përkëdhelur tej mase nga Brukseli dhe përkëdhelja e ka shpërblyer politikën e Brukselit me mosbindje, injorim dhe në shumë raste duke i mospërfillur edhe ato këshillat e vogla të Brukselit”, tha ai në misionin “Ditari” në Tëvë1.
Ndryshe sot u nënshkruan tri marrëveshje mes gjashtë liderëve të vendeve të Ballkanit Perëndimor si pjesë e Samitit të Procesit të Berlinit. Në këto marrëveshje të nënshkruara parashihet lëvizja e lirë me karta identiteti, njohja e diplomave universitare dhe njohja e kualifikimeve për tri profesionet: mjekët, dentistët dhe arkitektët.
Përveç liderëve të Ballkanit Perëndimor morrën pjesë edhe presidentja e Komisionit Evropian, Ursula von der Leyen dhe ai i Këshillit Evropian, Charles Michel./teve1.info./
